Pro Loco
La Pro Loco e je nassude atôr dai agns '70 cuant che cualchi persone a si è metude adun par promovi e valorizâ lis tradizions popolârs e di pôc timp ancje il turisim. L'associazion e je formade di 68 socis che a si incuintrin dutis lis joibis par decidi lis azions di svilupâ. Par di plui ogni sîs agns a si cjatin par decidi lis robis di fâ e ogni trê agns invezit si forme il consei di aministrazion componût di nûf membris che a elezin il president.
La Pro Loco e colabore cuntun grum di associazions (Scout, Afds, Coro, …) e a organizin il Carnevâl, San Pieri e dal an passât la manifestazion "Lûs di Nadâl". E lavore ancje su altris ativitâts come "Hic et Nunc" (rassegne di art moderne).
Lis Pro Loco si cjatin in dute Italie, in Friûl a ‘nd è une vore, e chê di Voleson e colabore cul consorzi di San Vît.
Par informazions
Sît internet: www.provalvasone.it
A.G.E.S.C.I. di Voleson
L' A.G.E.S.C.I. di Voleson e je nassude tal 1982: il catechist par i cresemants, Zancopè Leonardo, jodint che daspò de cresime i zovins a no vevin nissune ativitât ricreative, al à proponût ai fantats di tacâ l’ativitât scoutistiche. In principi la comunitât e jere componude dome di une desenis di zovins di 15-16 agns che a vierzerin il branc R/S scomençant cussi la lôr ativitât di servizi. Tal 1984 al fo viert anche il branc E/G par fâ jentrâ te associazion ancje i fantats plui zovins, dai 11 agns in su. Il prim cjamp estîf al fo fat in zimulament cul grup di Manià, di tradizion e fondazion plui vecje. Inizialmentri la associazion a si autofinanziave vendint anguriis e granitis tes sagris dal paîs, cjapant su fier vecjo, peçots e cjarte. Di un pâr di agns al è stât creât ancje il branc L/C par rindi il grup plui complêt. Il dì di vuê la associazion e puarte indenant difarentis ativitâts di diviers gjenar; comun a ducj i brancs al è l’autofinanziament e la conclusion dal an scoutistic cu lis ativitâts dal periodi estîf: vacancis di branc par L/C, cjamp estîf par E/G e une route par i R/S. I fantats a si cjatin une volte ae setemane intai locâi de sede (vecjo oratori). I iscrits a son 75.
Par informazions
Deganutto Paola
Vie Sante Margherita 2/B – Darzin
Sît internet nazionâl: www.agesci.org
Caritas Parochiâl di Voleson
La CARITAS di Voleson e fò fondade tal 2000. La finalitât de asociazion al è chê di sensibilizâ la comunitât viers la pratiche de caritât. Jenfri lis ativitâts che a davuelç no si puedin no recuardâ la racuelte di contribûts par la riduzion dal debit di nazions come Zambia e Guinea Conakry e la racuelte di fonts par popolazions dal tierç mont colpidis di calamitâts naturâls. I lûcs di incuintri di chest grup a son la canoniche o la scuele materne, lis adunancis a si davuelzin plui o mancul une volte al mês. La CARITAS a no conte iscrits ma e je vierte a ducj. Il president atuâl al è il Predi di Voleson, Don Domenico.
Par informazions
Scuele Materne
Vie Corbello, 15 – 33098 Voleson
Scuele Materne di Voleson
La scuele materne e je stade fondade intal 1950 di un grup di mestris che tal 1952 a forin sostituidis des munis. Al dì di vuê i fruts a son cirche 45 e a davuelzin ativitâts svariadis, a imparin zuiant e a fasin ancje ativitât fisiche. L’acet dai piçui al si è unît, cun di plui, a altris scuelis maternis de zone (Cjasteons, Cjasarse, San Zuan) per colaborâ tes ativitâts che e davuelç.
Par informazions
Scuele Materne
Vie Corbello, 15 – 33098 Voleson
Côr Parochiâl
Cun ogni probabilitât il côr a Voleson al esisteve zà tal 500-600. Tai agns 75-76 e jere presinte une corâl di omps che e sunave cjants classics e une altre corâl nomenade “Messe Bit” che e sunave cun ghitaris e batariis; daspò 5-6 agns a lis dôs corâls a si son zontadis ancje lis feminis. Il côr al davuelç doi tips di ativitâts: une, di animazion des celebrazions (messis, festivitâts,…) e chê altre di mancul leade ae glesie (concerts…). A fasin part di cheste associazion cirche 25-27 personis che a si incuintrin ogni setemane il lunis di sere aes 20.30. A no àn une sede uficiâl, par solit a si cjatin in canoniche o inte sale dal Consei canoniche. Cheste associazion e je une vore impuartante sot il pont di viste sociâl parcè che a tire dongje int di diferentis etâts.
Par informazions
Daniela De Giusti (segretarie)
Place Marcjât, 6 – 33098 Voleson
Societât Filarmoniche di Voleson
La bande (o Societât Filarmoniche di Voleson) e je une des associazions plui antighis dal nestri paîs, a si è discuviert di fat che la sô origjine e rimonte al 1858. A indi fasin part 51 personis che a si incuintrin par fâ lis provis ogni lunis di sere e cualchi volte la joibe (in câs di manifestazions particolârs). A cjape part a difarentis iniziativis e manifestazions soredut in Istât. La sede uficiâl e je la stanzie provis al tierç plan dal palaç comunâl. A esist ancje une bande zovanîl, fondade intal 1976, dulà che a sunin 15 fantats (cun mancul di 18 agns): i obietîfs di cheste bande a son l’intrateniment e l’istruzion musicâl. Il Sant protetôr di cheste associazion e je Sante Cecilie (22 di Novembar) protetore dai musiciscj.
Par informazions
Culos Giulio (president)
Sît internet:Società Filarmonica
Circul Culturâl Erasmo di Valvason
Cheste associazion e je stade fondade tal 1974 cun il pro di valorizâ i bens di Valvason e fâni une ativitât. E je componude di 30 iscrits che a si ocupin di organizâ ativitâts culturâls e manifestazions. Jenfri lis ativitâts, la plui impuartante e je stade fate intal 1993: a consisteve in studis aprofondîts su Erasmo. La associazion a si cjate dôs voltis al mês. A participe a manifestazions dal paîs e par di plui a colabore cun altris grups, in Regjon, simpri simii a lôr.
Par informazions
Sergio Tomat
Via Don Paolo Fabris - Darzin
Pagjine web: Circul Culturâl Erasmo di Valvason
Associazion Marcjadôrs di Voleson
Il 2 di Fevrâr dal 1975 al è stât fondât il grup marcjadôrs di Voleson, cun chê di proponi ai citadins di passâ in maniere sane e in libertât il lôr timp libar, praticant cheste ativitât sportive. L’associazion e je ancjemò ative e a je pues aderî cualsisei persone che a sedi interessade. Lis ativitâts plui cognossudis a son il Zîr dai Fûcs e la Stafete dal Centri Storic; altri impuartant apontament e je la Stafete Interregjonâl dulà che la associazion e partecipe ogni an. Il grup al presente cirche 15 iscrits e il President al è Peruch Ennio.
Par informazions
Peruch Ennio
Via Glera, 3 – 33098 Voleson
Amadôrs dal balon di Voleson
La associazion e je nassude cun chê di divertîsi zuiant a balon. Atualmentri la associazion e à cirche 35 iscrits. A traviers cheste ativitât la associazion e à pensât di rindisi utile socialmentri adotant un frut a distance: i fonts necessaris a son stâts racuelts cu la cjastinade che l’associazion e à organizât.
Par informazions
Menini Umberto
Via Cesare Battisti, 8 – 33098 Voleson
Sît internet: www.acvalvasone.it/new/chi_siamo.php
Associazion CAI di Voleson
La associazion CAI di Voleson e je nassude tal 1975. Atualmentri a conte cirche 40 iscrits e e je impegnade in escursions di diferent glena: semplicis e vie vie, par grâts, plui impegnativis fin a rivâ ancje a inrimpinadis o a cualchi escursion sci-alpinistiche. In plui a vegni propuestis seradis decicadis ae vision di diapositivis. Par la fin dal an, la associazion e organize la classiche cjastinade. Il grup al si mêt adun in sale Rome, une volte al an, par organizâ il programe dai zîrs, nomenâ la persone di riferiment des escursions e cjapâ su i tesseraments e lis iscrizions.
Par informazions
De Giusti Luigi
Vicul Mont Sant, 4 - Voleson
Sît internet: Club Alpino Italiano
Associazion Cinofil di Voleson
La associazion e je nassude tal 1984. Al dì di vuê i cjans a vegnin inscuelâts pe ricercje di personis sparidis (tai boscj, in montagne, par il taramot, …) e a conte cirche 15 iscrits. La ativitât di inscuelament a si davuelç inte zone sportive di San Vît dal Tiliment. Impuartante e je la “Cjaminade dal cjan” che a si ten ogni an a Madone di Rose, intal cors di cheste manifestazion a si racuein impuartants fonts par l’Associazion Sclerosi Multipla.
Par informazions
Duz Antonio
Ponte Delizia, 8
33098 Voleson
Associazion par i concerts di Musiche Antighe di Voleson
Cheste Associazion e nas tal 1974, graciis a un grup di personis di Voleson jenfri lis cualis al jere ancje Don Feruccio. L’associazion e je nassude cun chê di valorizâ il patrimoni artistic che l’orghin di Voleson al rapresente. L’associazion e conte cirche 15 iscrits che ogni an intal mês di Mai a organizin concerts di orghin a Voleson. Par fâssi cognossi oltri ai concerts, l’associazion inmanee cors di musiche rinassimentâl e collabore a nivel regjonâl e nazionâl cun altris grups.
Par informazions
Tiziano Fior
Pagjine web: Associazion par i concerts di Musiche Antighe
Associazion donadôrs di Orghins F.V.G. Grup di Voleson
L'A.D.O. a nas tal 1981 cun chê di racuei adesions di volontaris par donâ orghin a cui che a ‘nd à dibisugne. Cumò a si puedin contâ cirche 120 iscrits che a si cjatin une volte al an e che a si impegnin a fâsi cognossi a traviers di materiâl informatîf distribuît ae int. L’associazion a colabore cu l’associazion dai donadôrs di sanc e altris associazion di donazion dai orghins.
Par informazions
Associazion Furlane Donadôrs di Sanc (AFDS)
L'A.F.D.S. e je une associazion regjonâl. La sezion di Voleson e je stade fondade tal 1965 e al dì di vuê a conte cirche 190 iscrits, il president al è Ivano Salvador. L'AFDS e je une libare associazion di volontaris, leâts da la idee che il don dal sanc, anonim, periodic e gratuit, al è un dovê sociâl. E je nassude par sodisfâ un dibisugn coletîf di volontariât e par spandi jenfri la int une cussience e cognossince profonde relativamentri ae necessitât e aes problematichis des trasfusions. Une volte al an a si clamin adun i iscrits pe assemblee gjenerâl e pe cene de associazion. In plui ogni doi agns la AFDS e met a disposizion dai students des scuedis mediis une borse di studi.
Par informazions
Ivano Salvador
Via Pozzodipinto, 27
33098 Voleson
Associazion Nazionâl Partigjans d'Italie
L'Associazion Nazionâl Partigjans d'Italie (ANPI) e je nade tal 1944. Tal 1946 e je divignude uficialmentri une Associazion. L'ANPI a si pon l’obietîf di tutelâ e difindi i dirits dai combatents partigjans. La sezion intercomunâl di Darzin-San Martin-Voleson a conte 42 inscrits; il presidental à di jessi ancjemò nomenât. L'ANPI al cjape part a fiestis nazionâls come il 25 di avrîl e il 4 di novembar.
Associazion ex Combatents e Veterans
L'associazion ex combatents e veterans e je nassude intal 1921. E je une associazion nazionâl che si pon il fin di ricuardâ il sacrifici di chei che a àn dât la lôr vite par difindi la Patrie, tignî vîf l’amôr pe Italie e judâ i ex combatents malâts e bisugnôs. Atualmentri i iscrits a son 38. Il consei de associazion al si clame adun 4-5 voltis par an, invezit l’assemblee gjenerâl e ven convocade 2 voltis al an. I inscrits a participin a lis fiestis nazionâls (par esempli, il 4 di Novembar) e a organizin gustâs e cenis sociâls o escursions.
Associazion Nazionâl dai Autîrs de Italie (ANAI)
L'Associazion Nazionâl dai Autîrs de Italie (ANAI) e je stade fondade tal 1921. Cheste e je il risultât de fusion jenfri l'ANAC (Associazion Nazionâl Automobiliscj in Congjet) e l'Associazion Autîrs d'Italie. L'ANAI a si pon l’obietîf di ricuardâ i autîrs muarts pe Patrie, riunî intun unic organisim i autîrs di ogni grât e promovi la sigurece su lis stradis. Il patron dai autîrs al è Sant Cristoful. La sezion di Voleson a conte 15 iscrits; intal cors dal an, e organize escursions e a si met adun cirche 4 voltis.
Grup Sportîf Darzin, Voleson e San Martin
L’Associazion e je nassude tal 1982 come “Grup Sport Ricreatîf” (associazion masculine). Sucessivamentri e je stade creade ancje une associazion sportive feminîl e intal 1985 al è nât il Grup Sportîf Darzin Voleson San Martin. Chest a si pon l’obietîf di fâ praticâ la bale a svol aes fantatis di etât jenfri i 8 e i 25 agns. Vuê l’associazion e conte cirche 20 iscrits che a si cjatin dôs voltis ae setemane in palestre a Voleson par i alenaments e la sabide a cjapin part aes partidis dal campionât FIPA (Federazione Italiana Pallavolo - Federazion taliane di bale a svol). La presidente de associazion e je Daniela Cinausero.
Par informazions
Daniela Cinausero
Vie de Glesie (Ufici) - Darzin
Societât Patinaç Artistic Voleson
La Societât Patinaç Artistic Voleson e nas tal 1983 par volontât di cualchi citadin di inviâ al sport dal patinaç artistic, fantats e fantatis che a frecuentin la scuele materne. In chel an, di fat, te scuele materne e ven inaugurade la piste di patinaç e al ven organizât il prin saç di patinaç artistic cu la participazion di ben 40 fantats. A son i prins agns e il patinaç si lu pratiche dome par plasê personâl cence un fin amatoriâl o agonistic. Tal 1989 la societâtsi iscrîf ae P.G.S. (Polisportivis Salesianis di Zovins) e a sburte i fantats a participâ a esibizions e garis veris e propriis. Il spazi de vecje piste al devente insuficient e la societât a decît di trasferî la sô ativitât te palestre des scuelis di San Martin dal Tiliment. A tachin a rivâ i prins risultâts: i titui regjonâi e nazionâi tal setôr dai singui. Dal 1996 la Societât Patinaç Artistic Voleson, a si insiore di une gnove dissipline: il grup spetacul, dulà che plui atletis a patinin insiemit dant vite a diviers passagjos di dificoltât svariade. .. Chest al è stât il vêr salt di cualitât de societât che cussì a sbrisse ai massims nivei nazionâi dal setôr "Grup Spetacul". Atualmentri a colaborin tal setôr dal patinaç artistic cu lis federazions chi ripuartadis: F.I.H.P. - Federazione Italiana Hockey e Pattinaggio (Federazion taliane Hockey e Patinaç)
P.S.G. - Polisportive Salesiane Giovanili (Polisportivis salesianis di zovins)
U.I.S.P. - Unione Italiana Sport Per Tutti (Union taliane sport par ducj)
L'associazion atualmentri a conte 65 iscrits. Il Diretîf a si cjate une volte ogni doi mês. In ocasion de rievocazion storiche medievâl l’associazion a gjestìs un chiosc. I patinadôrs a si cjatin in palestre a San Martin dal Tiliment 4 voltis ae setemane par i alenaments e a participin a garis e manifestazions.
Par informazions
Oriano Biasutto
Via Regina, 19 – 33098 Voleson
email: p.a.valvasone@alice.it
Il Club dal Udinês
Il Club dal Udinês al nas tal 1970 par sostignî la scuadre di balon dal Udinês. Une volte al mês a si met adun il consei e une volte al an a si incuintrin ducj i iscrits che al dì di vuê a son cirche 100. Jenfri lis ativitâts cenis, garis di briscule, escursions.
Un dai prins fondadôrs dal club al è stât Manarin Pietro e la vecje sede e jere la tratorie La Tor.
Par informazions
Bar Pizerie “da Marasca”
A.C.A.T.
L’Associazion Club Alcoliscj in Tratament e je nassude tal 1986 gracie a volontaris. La sede centrâl e je a San Vît dal Tiliment, in plui a son stâts creâts dai centri periferics a Darzin, San Martin dal Tiliment, Cjasarse e San Zuan di Cjasarse. I socis a si cjatin une volte ae setemane e une volte al mês al è l'Interclub. In plui l’Associazion e cjape part al congrès nazionâl che a si ten in Assisi, o a Firenze, o a Grât.
Par informazions
Cicuto Nida
vie Pusipent
33098 Voleson
A.S. Yosekan Budo
L’Associazion sportive “Yosekan Budo” e nas tal 1981, il fondadôr, che al dì di vuê al è il president de associazion, al si clame Ermacora Albis. L'associazion e je nassude come un piçul grup di zovins che a vevin voie di imparâ lis arts marzialis; cumò la associazion si ocupe ancje di cors di gjinastiche artistiche, aerobiche, gjinastiche dolce e Kick Boxing. L'associazion a participe a nivel nazionâl a garis di Yosekan Budo e gjinastiche artistiche. Ogni an a la fin dai cors l’associazion e organize un spetacul dulà che i grups a fasin viodi ce che e àn imparât vie pal an.
Par informazions
Societât zuiadôrs di burelis
Fondade tal 1946, si ocupe dal zûc des burelis a nivel agonistic e come passetimp. La societât e conte 25 iscrits che a si incuintrin 2 voltis al an, invezit il grup diretîf al si cjate ogni prin lunis dal mês intal bar Pusipent dulà che e je dislocade la lôr sede. Cheste societât e participe a garis provinciâls, regjonâls, nazionâls e internazionâls (dispes in Slovenie) e une volte al an e organizze une gare paisane in ocasion dai festegjaments di San Pieri.
Grup Artistic Furlan
Cheste Associazion e je nassude tal 1973 su iniziative di 3 fantats cun chê di tirâ dongje int apassionade di art. E je formade di un consei diretîf che al si cjate ogni 15 dîs, la adunance dai socis invezit e à lûc trê voltis par an (dôs assembleis: une ordinarie e une straordinarie, plui une cene sociâl). Atualmentri a son inserîts plui di 140 personis. L’Associazion e participe a manifestazions ancje cun altris grups su dut il teritori nazionâl.
Par informazions
c/o Tor Civiche
Place Cjistiel – 33098 Voleson
Sît internet:Sito ufficiale Medioevo a Valvasone
C.C.R.P.
Il Circul Culturâl Ricreatîf Puint al è nassut tal 1976 e al si ocupe des manifestazions culturâls dal Puint (borgade di Voleson). A fasin part dal circul ducj i abitants di cheste localitât. I components dal Circul a si cjatin dôs voltis al an e fra i progjets dal grup e je la idee di construî un zardin dulintôr de Grote de Madone (opare che e caraterize la localitât). La sede di chest Circul e je la costruzion che si cjate daûr de Grote.
Par informazions
Giuseppin Leda
Localitât Puint da la Delizie, 7
33098 Voleson
Artesans
I artesans a son une categorie lavorative che e je simpri esistude, intal paîs a ‘ndè une vore: fornârs, piruchîrs, sblancjins, marangons, mecanics... L’80-85% cirche des impresis talianis a son artesanâls. L’Union Artesans si ocupe di dâ al artesan consulence, sostegn, incentîfs, ma ancje cors di informatiche, riunions par discuti di varis problematichis riguardantis la categorie… ogni an inte Fiere di Pordenon si ten une esposizion di prodots artesanâi. La Confederazion Nazionâl Artesans (C.N.A.) e à sede a Rome e po dopo a si divît dal pont di viste organizatîf in Regjons e Provincis. Ogni Provincie dentri di se e presente plui mandaments, chei di Pordenon a son: Sacîl, Spilimberc, San Vît e Manià.
Par informazions
Leschiutta Franco
vie Mazzini, 5 – 33098 Voleson
Cjace
Cheste associazion e je nassude daspò de seconde vuere mondiâl, come associazion sportive cence fins di vuadagn. No vint une sede fisse, i socis a si cjatin cuant che al covente, inta cualchi bar, e dispes a organizin cenis fra amîs e la cene sociâl. A fasin part di cheste associazion cirche 57 socis, organizzâts cun chestis carghis: un diretôr, un vice-diretôr e vot conseîrs che a àn il compit di tignî in ordin il belanç e di fâ rispietâ i regolaments. Vie par l’an i socis a participin a difarentis garis di cjace e ancje garis di tîr al plat (a son stadis vintis diviersis medais).
Alpins
L’Associazion dai alpins e je nassude tal 1959, chest grop al si ocupe di volontariât e de tutele de montagne. A son iscrîts a cheste associazion 118 personis e plui di 10 simpatizants. A festegjin la fieste nazionâl la seconde domenie di Mai ricuardant i muarts de campagne de Russie; a participin aes difarentis adunadis che a si organizin in Regjon. A si rindin disponibii par organizâ la tradizionâl fieste di pascute e lis pastessutis comunâls. A si cjatin une volte al mês inte canoniche che e je la lôr sede.
Societât sportive pescjaodôrs "La roe dai mulins"
La societât e je stade fondade il 12 di Otubar dal 1979 di un grup di personis amantis de pescje. A si cjatin cirche seis voltis al an e simpri di vinars, des 15.00 aes 18.30 inte lôr sede (il bar di Marasca) par organizâ incuintris e garis.
- Març: gare a Vilegnove
- 22 di Lui: pescje e gustâ a Vilegnove
- 26 di Avost: gustâ sociâl tal piçul lât
- 30 di Setembar: gare inter sociâl
E àn un piçul lât in concession e a si finanzin cu lis cuotis associativis e un contribût comunâl.
Par informazions:
Visentin Luciano
Vie Pasolini – 33098 Voleson
Associazion Aereonautiche
Fondade tal otubar dal 1962 da un grup di 7-8 personis che a fasevin part di une sezion za presint, vâl a dî chê di Udin. E je une associazion patriotiche apolitiche e morâl, e par podê jentrâ bisugne acetâ il regolament e vê fat il servizi militâr. A furnìs jutori morâl e economic ae Madone di Lorêt che a festegjin il 8 di Dicembar.
La lôr sede e je in Comun, dut câs a si cjatin dispès pes lôr adunancis ta cualchi bar o in cualchi cjase dai socis.
In 40 agns a àn zirât dute la Italie orgazizant zîrs, partecipant a raduns militârs nazionâi e a fiestis militârs, in plui ogni 5 agns a inmanein une fieste in onôr dal nucli di Voleson.
Par informazions
Guido Zanet
Vie Trent, 28 – 33098 Voleson
U.S.V.A.S.
L'USVAS, vâl a dî l'Union Sportive Voleson Darzin e San Martin, e je nassude tal 1946 e e à la sô sede in Vie Sante Elene a Darzin. L'USVAS al è dividût in difarentis categorîs: pre-poleçuts (6 agns), poleçuts (8 agns), esordients (10 agns), zovanissims (13 agns), arlêfs (15 agns), juniores (17 agns) e 1mescuadre (dai 18 agns in su); chestis a son preparadis di varis alenadôrs li dal cjamp sportîf "O. Castellan".
L'USVAS a si impegne prin di dut a educâ e a fâ rispetâ lis regulis dal balon ai fantats, ai alenadôrs e ai dirigjents, cirint po dopo di vinci ancje cualchi campionât.
Par informazions
Primo Cinausero (President)
Vie Strigelle, 9/A – 33098 Voleson
Associazion Basket
L'associazion basket e esist di 25 agns, ma di 7-8 agns si è unide ae Polisportive Basket Center di Çopule (SIGMA) e a Voleson al è restât dome il Minibasket.
A ‘ndi fasin part cirche 12 fruts jenfri 6-10 agns e plui di 70 jenfri i 11-18 agns. I siei obietîfs a son di permeti a fruts di zuiâ e di divertîsi vint rispiet par ducj.
A esistin difarents campionâts: minibasket (6-10 agns), propagande (11-12 agns), fantats (13-14 agns), arlêfs (15-16 agns), cadets (17-18 anni), juniores (18-20 agns). Lis ativitâts a tachin in Otubar e a finissin a la fin di Mai cuntun pic-nic o une fieste provinciâl. I 15 dirigjents dai fantats a si cjatin une volte al mês tal palaçut di Çopule che e je la lôr sede uficiâl.
Par informazions
Fulvio Avoledo
Associazion Ciclistiche Dilettantistiche Voleson
Fondade tal 1983 di Zilli Ligido (stele di bronç CONI), daspò di une ativitât in prevalence zovanîl e di une numerose ativitât organizzative, tal 1994 l’associazion a vinc il prin titul talian feminîl che al da la svolte ae ativitât des fantatis dai 14 ai 20 agns.
Tal 1996 daspò la medae di arint ai mondiâi di ciclisim in Colombie vinçude da la atlete Nada Cristofoli, ven organizade la prime edizion dal zîr de Provincie di Pordenon Feminîl, che aromai al è rivât ae 13me edizion.
Tal 2003 in colaborazion cu la Pro Loco e il Circul Culturâl al è stât festegjât il ventenâl de fondazion cuntune schirie di manifestazions jenfri cui ancje une anuladure postâl. Di segnalâ in chescj vincj agns di ativitât i trê titui talians vints tal 1994-1997-1999 e la mae azure su piste tal 1999.
Par informazions
Daniele Zilli
email: ciclisticavalvasone@alice.it
Sît internet: Associazione ciclistica dilettantistica valvasone
Centri Immersions Coral SUB
Il Centri Imersions Coral Sub, associazion sportive filiade al A.N.I.S. (Associazion Nazionâl Istrutôrs Subacui, iscrite al CONI) al è stât fondât il 04/02/1993. La sede e je in Vie C. Battisti n. 17, tai locâi dal ex Convent dei Servîts. La finalitât dal Centri e je chê, oltri che di divulgâ la cognossince dal sport subacui organizant cors di sub di vari nivel, di tirâ dongje i apassionâts di chest sport par furnî a chescj plui servizis pussibii (nolegjo des imprescj, escursions a teme, organizazion di viaçs subacui in Italie e tal forest).
Par informazions
Mail: corallosub@virgilio.it
Associazion Felice Art
L’Associazion Culturâl “FELICE ART” e je stade inviade ae fin dal an 2000 e legalmentri costituide intal mês di Mai dal 2008. La sô mission culturâl, inizialmentri indreçade a creâ un pôl artistic di pitôrs e amants da l’art, si è daspò inviade viers la piture, intese tes sôs svariadis formis, prime tal ambit dal Friûl ma slargjant, vie vie, i siei orizonts tes regjons vissinis.
La ativitât che si je inmaneade cun particolaritât e je stade la organizazion di esposizions di oparis d’art (piture, sculture, incision). Dal 2008, cun la colaborazion dal mestri Vico Calabrò, che al à ancje la cariche di diretôr artistic, e à scumençât une gnove sezion dedicade ae “piture a fresc” svilupant un percors didatic voltât ae formazion dai gnôfs mestris fresc’ants par mantignî vive cheste art in vie di estinzion.
Tal ambit dee sôs cetantis iniziativis culturâls, tindudis a insiorâ e slargjâ lis cognossincis dal teritori, no dismenteant i risvolts economics sociâi che la iniziative e pues favorî, la associazion culturâl “Felice Art” e à ritignôt oportun organizâ adore chest progjet nomenât “Cognossi l’Afresc”.
La iniziative si propon, tra l’altri, di incentivâ l’interès par l’afresc, fâ cognossi la storie e i siei mestris, tra students des scuelis mediis inferiors e superiors e agregâ e formâ i zovins che a condividin i stes interès. E je dal sigûr una propueste interessant stant l’atenzion fin uchi dimostrade dai zovins che a àn frecuentât i cors di formazion bielzà inmaneâts.
Insome une ofierte dal sigûr interessant e atraìnt par i zovins che a àn di frontâ il mont dal lavôr che, jessint in sintonie cu lis liniis vuide su la formazion detade dal Ministri da l’Istruzion, no podarà no destâ l’interès des Istituzions competentis.
L’associazion culturâl a Voleson e à inmaneât un centri studis e laboratori pe "piture a fresc" e organize periodicamentri mostris di art contemporanee di piture e sculture.
L’Associazion Felice Art e à un so profîl tal “social network” plui famôs, Facebook.
Par informazions
Felice Art
Associazion Culturâl
Vie Triest, 2 – 33098 Voleson (Pn)
Tel. 335 6627734 fax. 0434.899501
Mob. 335.6627734 felicearte@libero.it
Cod. Fisc. e Part. IVA - 01624020937
email: info.felicearte@gmail.com