Il secont plan
Tal secont plan e je une grande sale, dal sofit une vore alt, che un timp e jere doprade come stanzie de servitût.
La sale dai zûcs, dute piturade a fresc, di particolâr interès, e ven ricuardade cul non di sale des "Cineserîs".
Dongje a cheste, une altre sale piturade a fresc cun pituris atribuidis a Antonio Bison e ispiradis aes campagnis militârs di Napoleon in Egjit.
La sale blancje, dulà che al à durmît Napoleon e caraterizade da pregjiôs stucs. A Voleson tal cors des vueris napoleonichis sul Tiliment al fò insediât il comant francês, invezit chel austriac al jere insediât a Guricisse. Oltri a Napoleon il cjistiel di Voleson al à vût il plasê di ospitâ personaçs come Pape Gregorio XII intal 1409, Pape Pio VI intal 1782. Carateristics i stemis in piere sui grancj barcons de façade. Di pôc timp al è stât discuviert e metût a puest un grant lozât che a da sul curtîl di dentri. Il tierç plan dal Cjistiel al jere adibît a granâr.
