Comune di Valvasone

Restaur: Anna e Andreina Comoretto - Pordenon

Intune sale di cjase Dulio Paribelli a sono stâts discuvierts des pituris a fresc ineditis, databilis probabilmentri daspò de seconde metât dal Cuatricent.

Cjapade dentri de tierce cengle di mûrs dal paîs, chê dal popul, la cjase, costruide intal ‘400, di pôc timp e à disvelât chestis pituris.

La Sovrintendence e à subite tacât i lavôrs di recupar, afidantju a Anna e Andreina Comoretto, che a ju an davuelts jenfri Zuin dal 1998 e Fevrâr dal 1999.

A si trate di une opere inedite, la cui datazion di massime e je stade rindude pussibile graciis a studis su la petenadure e sui vistîts, dai personaçs, une vore particolârs sui ritrats rinvignûts. La datazion des oparis e je stade fate slitâ daspò de seconde metât dal Cuatricent, chest considerant ancje la sene alegoriche contignude dentri di un altri sblec di piture «Alegorie che – al spieghe Paolo Casadio – storic de art e ispetôr de Sovrintendence, nol è element autonom tes rapresentazions pitorichis almancul fin ae metât dal cuatricent. La piture a fresc di Voleson a rafigure une imagjine alegoriche-morâl dai vizis: a son doi omps che a si strucjin intôr une tace di vin là che in bande a lôr a son doi zuiadôrs di cjartis».

Lis decorazions des parêts cun pituris a fresc di alte cualitât, databilis duncje tôr la metât dal XV secul a si disvilupin su di une superficie in maniere framentarie, su trê dai cuatri flancs di une origjinarie sale che probabilmentri a veve di jessi interamentri decorade cun pituris di varis dimensions e nature. Tal complès a vevin di cuvierzi une superficie di 15 mc.  

Si trate di senis incuadradis dentri di un motîf floreâl e elements gjeometrics che a rafiguri: su la parêt di font un uciel cuntun cjâf uman e lis talpis palmadis; su la parêt laterâl doi omps che a fasin la lote tignitsi par il cuel e che a si strucjin intôr une tace di vin ros, in plui a si pues viodi un cjanut in pîts (figure 1), zuiadôrs di cjartis (sene çoncjade a cause dal abatiment dal mûr) (figure 2), une nicje cun nuture muarte cun coce  (ancje cheste çoncjade tal arc) (figure 3).

 verso la strada è emerso l'arco di un'ampia finestra con l'intradosso raffigurante entro plutei i ritratti di profilo di due coniugi, probabilmente i committenti (fig. 4 e 5). La parete dell'arco è interrotta da un muro portante di divisione di unità abitative, ma l'affresco continua coerentemente al di là della parete attuale con una ulteriore nicchia ed uno stemma col leone rampante dei Cucagna (fig. 6 e 7).

Su la parêt viers la strade, l'arc di un grant barcon dulà che si puedin viodi lis sacumis di profîl di un omp e une femine, probabilmentri i parons (figure 4 e 5). La parêt dal arc interote da un mûr puartant di division de abitazion, ma la piture a fresc a continue coerentementri di chê altre bande de parêt cuntune piçule nicje dulà che al è disegnât il steme cul leon dai Cucagna (figure 6 e 7).