(copia 2)
Document unic de scuele veneziane di orghins dal Cinccent, tramit ideâl par l'interpretazion de musiche dai grancj organiscj de Basiliche di S. Marc.
Il strument al fo comissionât intal 1532 dai nobii di Voleson a Vincenzo Colombi, famôs organari origjinari di Casale Monferrato e che al operave a Vignesie.
Intal 1535 a forin ordenadis al "marangon" Stefano di Vignesie la costruzion de casse e de cjantorie; Girolamo da Vignesie al fo incargât di fâ i intais e il pitôr Giovanni Antonio da Pordenone lis puartelis; intal 1538, Tommaso da Udin al puertà insom la bielissime casse colorade d’aur. Muart intal 1539 il Pordenon, lis puartelis a forin finidis di Pomponio Amalteo (1544). Il pitôr di San Vît, jenfri il 1551 ed il 1552, al piturà ancje lis formelis de cjantorie, i doi fregjos cun pituris a fresc e i flancs de casse.
Rifat plui voltis intal cors dai secui e ridusût al silenzi daspò de prime vuere mondiâl, l’orghin al fo rimetût a puest intal 1974 dal organari padovan Alfredo Piccinelli.
Intal 1999 al è stât definitivamentri sistemât di Francesco Zanin di Codroip tignint cont i criteris filologjics e studis scientifics.
Carateristichis tecnichis
Tenôrs [10']
Otave
Cuintedecime
Decimenone
Vigjsimeseconde
Vigjsimaseste
Vigjsimenone
Flaut [in XV]
Colocazion: in cjantorie su la parêt diestre de navade.
Prospiet: componût di 41 cjanis di stagn, dal Fa-1 dal regjistri Tenôrs, dividût in cinc cjampadis (7/11/5/11/7) con cjanis disponudis a cuspide; "orghinetuts muarts".
Tastiere:di 47 tascj (Fa-1 - Fa4, sence Fa#-1 e Sol#-1); i tascj diatonics a son ricuvierts di bossul, chei cromatics di eban.
Pedaliere: a letorin di 20 pedâi curts (Fa-1 - Re2), costantementri unide ae tastiere.
Regjistris: azionabii traviers manetis a incjastri disponudis orizontalmentri ae diestre de tastiere.
Accessôr: tremul intal canâl [Fiffaro ?].
Manticerie: trê mantics a conis azionabii cun pulegjis e eletroventiladôr.
Somîr: a aiar di cocolâr cun vot pietins che a corispuindin a chescj regjistris: Tenôrs, Otave, XV, XIX, XXII, XXVI, XXIX, Flaut.
Crivel: di corean cu lis bocjis des cjanis metudis disot.
Pression dal aiar: 43 mm in colone di aghe.
Acuardadure: : temperament dal ton medi, 1/4 di come; coriste La3 dal Tenôr 492.5 a 22°C.