(copia 2)
Orghin positîf di taule dai iniziis dal secul XVII, origjinariamentri di ûs profan, rindût fis intal '700 cu la costruzion de cjantorie. La piture a fresc che a lu incurnise e je forsit dal votcent.
Carateristichis tecnichis
Flaut 4'
Otave 2'
Decimecuinte 1'
Prospiet: l'orghin al è costituît di dôs façadis contraponudis, componudis ognidune di 15 cjanis di stagn dal Flaut 4' cun lavri superiôr ribatût e a forme di mitrie.
Tastiere: tastiere uniche di 45 tasti (Do1 - Do5), cun prime otave curte, parzialmentri incorporade inte casse.
Pedaliere: a letorin (dal sietcent) cun otave curte componude di 8 tascj curts (Do1 - Si1) units diretamentri ai tascj dal manuâl atraviers des cuardutis.
Regjistri: a manete fulcrade, a diestre de tastiere, a azionin i registris de Otave e de Decimecuinte; il regjistri dal Flaut 4' al è simpri inserît.
Mantics: doi mantics a coni contraponûts, colocâts a diestre dal orghin sul plan de cjantorie.
Somîr: a tîr cun sieradure frontâl a ribalte.
Crivel: di cjarton inclaudât su dôs piçulis breis metudis par lunc.
Acuardadure: La2 = 445.2 Hz a 15°C; temperament mesotonic.
Pression dal aiar: 40 mm. in colonis di aghe.