Ex Pueste, za glesie di Sant Jacum. Restaur afrescs dal secul XIV
Restaur: Paolo Casadio, direzion lavôrs. Soprintendence ai Bens A.A.A.A.S.
Descrizion de opare e stât di conservazion
Fin ai lavôrs di restaur dal edifici, completâts intal Zuin dal 2000, lis pituris a fresc (rinvignudi ai inizis dai agns ’90 tal cors di un intervent daspò suspindût) a si presentavin in condizions dramatichis a cause da la cuviertidure no adeguade e dal costant dilavament des parêts internis, di chi, il bagnâsi continui dai mûrs.
Si trate di cirche 9.5 mc. di piture a fresc che a si disvilupin fin ad une altece di 4.6 m. e a son localizâts lunc la parêt laterâl de bande çampe che un timp e rapresentave la uniche navade dal edifici sacri (da la cuale al è stât individuât il perimetri esat).
Dute la superficie e jere ricuvierte di colps di pichet, in plui e jere plene di clauts in fier plantâts a une distance di 20 cm. jenfri di lôr, chescj a vevin la funzion di tignî su une parêt di cjartonzes.
I rescj visibii a rapresentin la part disot di une schirie di pituris di Sants sierâts dentri di riquadris disponûts a altecis difarentis e cence un sens dal spazi e de prospetive.
Intervent
La netadure des pituris de malte di stabilidure e de cjalcine, eseguide a sec doprant curtissuts e piçulis sferis sparadis a alte pression e precision, e je stade une vore dificile di efetuâ par vie dai difarents strâts di cjalcine che cul timp a jerin stâts metûts parsore dal colôr e che, cul passâ dai agns, al veve cjapât consistence dal veri. Il rinfuarçament dai strâts di stabilidure al è stât otignût cun iniezions di malte idrauliche e resine acriliche.
In acuardi cu la Direzion dai Lavôrs, a si è ritignût necessari sierâ il barcon al centri dal mûr, viert siguramentri in epochis sucessivis ae eseguzion des pituris a fresc, come che dimostre de interuzion des pituris.
Lis largjis zonis dulà che al mancjave la stabilidure origjinarie a son stadis jempladis cun malte fine neutre, fate cun savalon di flum, marmurin zâl, cjalcine distudade e le zonte di une piçule percentuâl di resine acriliche.
Studiant il colôr in funzion de dominant neutre dai afresce e stese a nivel cun l'afresc.
I lavôrs a si son davuelzûts fra Zuin e Setembar dal 2000.
Lis pituris
Lis pituris a apartegnin a une uniche man di artist, la lôr datazion a si pues colocâ cuntune cierte sigurece ai prins dal XIV secul.
A son stadis realizadis su une stabilidure une vore spesse; la analisi visive e à individuât dôs stesuris: un ariç avonde fin suntun mûr di claps e une piçule stabilidure sutîl e lisse. Il colôr di otime realizazion, al jere parzialmentri ruvinât intes zonis di maiôr esposizion ai efiets de umiditât, chest al veve une majôr fragjilitât. Difarents a jerin i distacaments dai strâts di stabilidure dal mûr.
Fasis e risultâts dal restaur